أطفال تفتقد الطفولة !!!

 10:28pm

طفولة تفتقد الطفولة !!

موضوع النهارده جديد شوية اننا نتكلم فيه .. بس اعتقد هو جوه كل واحد فينا بس حاطه فى نفسه وساكت

الطفولة ..!!!!!!!!!

كلنا دلوقتى بنتمنى لو نرجع اطفال تانى .. نلعب ونعيش واحنا مش ف بالنا اى هموم او مشاكل او تعب .. وكل ما بنكبر اكثر الامنية دى بتكبر جوانا اكثر

بس الغريب جداااا .. ان جيال الاطفال دلوقتى .. بيتفقد الطفولة .. كل طفلة بنت عاوزة تكبر نفسها باى شكل .. سواء فى اللبس وطريقة الكلام وحتى اللعب !!!!!!!

واى ولد عاوز يبقى راجل وهو عنده يدوب كام سنة .. ويرفع صوته فى اهله .. او مدرسينه وتتغير طريقة كلامه ...!!!

لدرجة ان الواحد بدأ يحس ان الشريحة دى من المجتمع انقرضت ..!!!

وبقى قدامنا سؤال واحد .. هى الطفولة راحت فين .. ولا احنا اللى كان زماننا غلط ..

الواحد فاكر وهو طفل وطريقة لعبه وتسريحاته .. وطريقة كلامه واحترامه للكبير .. واهتمامه بدراسته .. تفاصيل الحياة دى ..!! دلوقتى بقت مفقـــــــــــــــــــودة !!

اطفال دلوقتى بقى الموضوع مختلف تماما .. بنات عندهم سنوات تتعد على صوابع الايد الواحدة .. وروج وكلام عن الحب .. فاكرة موقف مش حنساه عمرى .. بنوتة اعرفها فى 3 ابتدائى ولاقتها كاتبة ع الميل ما حدش بينجرح اوى الا لو حب اوى .. الحقيقة انا مش فاكرة وقتها غير انى فضلت اكثر من 10 دقايق بضحك .. وعمالة اقول عاشت قد ايه دى عشان تقول كده !!!  

والولاد نفس الكلام ..!!

بس السؤال اللى بقى بيطرح نفسه دلوقتى ..

هى الطفولة راحت فين ... ؟؟؟

وهل المشكلة ف الاهل ؟؟ ولا فى الاطفال نفسهم .؟؟؟

ولا فى العصر التكنولوجى ده اللى احنا فيه ...!! افقدنا حتى معانى الطفولة فى الاطفال !

والاهم بقى يا ترى الجيل القادم  اللى بعد جيل الاطفال الكبار دول حيبقى ايه !! وعجبى

By : T. AmOla zaki

الحمد لله على الوقت الصعب

ساعات كثير بتحصل حاجات صعبة وتمر فى حياتنا أوقات عصيبة ..

بس اجمل نتايج دايما بتبان من الوقت الصعب .. عشان بتخلينا نعرف قيمة كل حاجة فى حياتنا .. ومقدار حبنا ليها .. او استغنائناا عنها ..

بتبين مين الناس الحلوة اللى بتقف جنبا .. فنلاقى ناس كنا متوقعين وجودهم جنبا مش جنبا .. او نلاقى ناس كنت مش متوقعين وجودهم جنبنا ويبقوا هما اول ناس يهونوا علينا

فعلا الحمد لله ع كل حاجة خصوصا الاوقات العصيبة ..

عشان بتبين معادن ناس كثير فى حياتنا .. وبنعرف ساعتها مين يستحقنا ومين لا ^^

بحب كل الناس خصوصا الناس اللى بتبقى عليا وقلبى مع كل الناس اللى وجودى ف حياتهم سبب لهم ولو للحظة مشكلة ..

يارب يسعدكم جميعا وما يجعلنيش سبب فى وجع أى انسان فى الدنيا ♥

By : AmOola Zaki 

عارف يعنى إيه ربنا بيحبك ..؟؟

يعنى تبقى فى أكثر فترة فى حياتك بتتألم ..

ويبقى مخدر قلبك من الإحساس بالوجع اغلب الوقت ..

وكأنه بيطبطب عليك وبيقولك .. لا تحزن فإنى يا عبدى معك ^^

By : AmOola zaki

http://www.facebook.com/pages/Amola-zaki-fan-page/159171580844646

احلى ذكريات العمر .. ♥

احلى ذكريات العمر .. ♥

النهارده جوايا حنين اوى لكل ذكريات عمرى خصوصا وانا طفلة

..

فاكرانى بمريلة الحضانة المربعات .. فاكرة الزمزامية والشنطة الصغيرة والألوان والكرسات

فاكرة اوضة الموسيقى ولعبى ع البيانو وغنايا فى الكورال والحفلات ..

أحلى ايام من عمرنا واحنا اطفال صغيرين

شيفاكم دلوقتى وكل واحد فيكم رجع بذاكرته لورا 20 سنة او  اكثر وافتكر نفسه وشكله وضحكته زماااااااااان وافتكر بابا وماما لما كانوا ع طول ماسكين ايديه

رجعت معاكم انا كمان كام سنة لورا لأيام المدرسة والتختة الاولى والمسطرة والكتابة بالاقلام الجاف ..

والخروج فى الرحلات مع الاصحاب والضحكة الجميلة اللى كانت بتجمعنا كلنا فى صورة واحدة وكل ده دلوقتى بقى ذكريات

..

فاكرة اول حب ف المدرسة واحنا اطفال كل اللى عندنا براءة وتعبير عن كل حاجة جوانا بصدق ..

فاكرة حب المدرسين ويوم عيد الأم كان كل مدرس ومدرسة لينا مثل أعلى .. فعلا / كنا أطفال ..

كل يوم عدى وبيعدى علينا بنكبر ونلاقى كل حاجة فى حياتنا بقت ذكريات .. محفورة ف الذاكرة ما بتتنساش ..

فاكرة ايام ثانوى والمذاكرة والقلق من الامتحانات

..

فاكرة أول يوم كلية والاندهاش من الجو الجديد والعالم المفتوح .. مفحورة جوانا التعب والارتياح ..

فاكرة يوم التخرج والوصول لجزء بسيط من الامنيات ..

وشايفة معاكم دلوقتى سعادة كل ام واب وقتها كانت ازاى

..

فاكرة دموع الفرحة اللى ما بتفرقناش

..

ولسه ياما ايام جاية فى حياتنا حتبقى زى ايام زمان وحتكون فى يوم ذكريات

...

عشان كده بتمنى كلنا نعيش كل لحظة ونديها حقها فى عمرنا ونعيشها نعيشها اووووووووووووووووووى

عشان يوم ما تبقى ذكرى .. تبقى سايبة جوانا أحلى المشاعر والضحكات

^^

Love all of U

AmOola Zaki

مش لازم نموت .. عشان نتحب !

مش لازم نموت .. عشان نتحب !

يومكم جميل عليكم جميعا .. بحبكم كلكم فى الله ولله  

مش لازم نموت عشان نتحب .. عنوان ممكن يكون مختلف

مش بنقوله كثير ولا بنستخدمه كثير لكنه موجود فى حياتنا كلنا شخص شخص .. وف اوقات ف حياتنا لازم حنحس الاحساس ده وحنعيشه

كام حد فينا حس انه كان بيحب حد اوى لما اتحرم منه !!

طيب كام حد فينا حس انه موجوع لما توفى له صديق او صديقة بيحبها ورفيق لعمره ...

طيب كام حد فينا خسر حد من قرايبه او اهله وفضل يقول يارتنى كنت بقعد معاهم اكثر او بحسسهم بحبى اكثر ..

كثير مش كده .. يمكن نكون احنا واحد من الناس دى .. ويمكن نكون شوفنا فى حياتنا اشخاص قالوا كده ..

الموضوع كله متعلق بحاجة واحدة .. طول ما الانسان ضامن وجود شخص ف حياته .. هو مطمن .. فى حالة اشباع لعواطفه واحساسه ده ..

بس بردوا مش ده الهدف من النوت دى ..

الهدف الحقيقى منها .. انها دعوة للتعبير عن الحب ......

لو بتحب حد بجد أين كان مكانه فى حياتك ( أب – ام - زوج - اخ – اخت _ حبيب _ صديق – صديقة – زميل .. قريب )

عبر له عن حبك .. اظهرله حبك بأقل الأشياء ..

عشان دايما يبقى فى رصيد ليك عنده بحبك يغفرلك لو غلطت ..

عشان يحس دايما انه اهم من اهم حاجة فى حياتك ..

بمعنى أصح : أدوا كل حد فى حياتكم حقه عليكم لما

تحبوا حبوا اوووووووى

ولما تفرحوا افرحوا اوووووووووى

زى بالضبط اعتقد لما بنحزن بنحزن اوى من غير ما حد يطلب ده مننا !!

.. واكيد ما حدش بيدى ومش بيأخد .. واللى بيدى ناس حب ومش بيأخد منهم حب او تقدير اكيد هما حيكونوا مش بيحبوه بنفس الشكل او لسه مش عندهم بنفس الاهمية ..

عيشوايمشاعركم .. عشان ما تخسروهاش .. وتخسروا معاها نفسكم قبل اى حد !!

ما تناموش وانتم مزعلين حد بتحبوه يمكن ما تتقابلوش تانى معاه ..

 خلوا دايما اخر كلمة حلوة .. حتى لو قبلها جرح او تعب او ألم ..

زى بالضبط لما حد فى حياتنا بيموت وتانى يوم نلاقى كلام اشعار بيتقال فيه !! وهو فعلا كان فيه بس فى حياته ما شفهوش ولا سمعه من الناس !! عشان ماحدش فكر يعبر عن حبه للتانى .. بالطريقة اللى تسعده !

أن تقدم لي وردة في حياتي افضل من ان تضع باقة من الورد على قبري

By :Instructor Aml M Zaki

اوصيكم ونفسى بتقدير الآخرين

التقدير ..     قد ايه بيفرق معانا كلنا اكيد التقدير ...

وانه الناس تقدرنا وتهتم بتصرفتنا من غير فضول او تطفل علينا او على حياتنا   واكيد كلنا لو فكرنا ورجعنا بذاكرتنا شوية حنلاقيها مليانة موووووووووووواقف ..

  كنا فيها بحاجة للتقدير وما لقنهوش فاحباطنا   او مواقف كنا فيها بحاجة للتقدير واتقدرنا فاتبساطنا .     كلمة تقدير مننا لكل الناس اللى حوالينا تفرق معانا ومعاهم كثيرررررررررر  

  أى اشخاص فى حياتنا ليهم علينا حق ..  حتى لو اشخاص غرباء عننا ..     

زى ما احنا نفسنا ليها حق علينا فاننا نقدرها ونثق بيها ونشجعها عشان تنجح  

زى ما اهلنا محتاجين التقدير والاحترام والاهتمام عشان نسعدهم  

  زى ما اصحابنا واحبابنا محتاجين طاقة حب واهتمام عشان نزود طاقتهم الايجابية ف حياتهم  

زى ما اى شخص غريب اتعامل معاك .. او قدملك خدمة .. او احتاج منك شىء محتاج تقدير منك للى عمله .. او تقدير منك باهتمامك بمشكلته .. وتقدير منك بجزء من وقتك لى  ......  

  برأيى ان كلمة مننا ممكن تفرح اووووووى او نظرة مننا تسعد جدااا

وممكن كلمة مننا تسبب احباط لغيرنا جداا او نظرة تكسر جدااا  

عشان كده كتبت النوت دى عشان نفكر بعض كلنا بتقدير نفسنا والآخرين  ....  

عشان نكون أهل لاختيار ربنا لينا وانه جعلنا فى مكان مسألة الناس واحتياجهم لينا وع الاقل تبقى طريقة حمدنا لربنا انه جعلنا فى المكان ده !!  ولا ايه رأيكم ! ;)  

   By : Instructor Aml M Zaki

نحن في فصل الربيع لكنني لا أستطيع رؤية جماله

 

 

يُحكى رجل أعمى على إحدى عتبات عمارة واضعا قبعته بين قدميه وبجانبه لوحة مكتوب عليها:



" أنا أعمى أرجوكم ساعدوني ".





فمر رجل إعلانات بالأعمى ووقف ليرى أن قبعته لا تحوي سوى قروش قليلة فوضع المزيد فيها. ودون أن يستأذن الأعمى أخذ لوحته وكتب عليها عبارة أخرى وأعادها مكانها ومضى في طريقه. لاحظ الأعمى أن قبعته قد امتلأت بالقروش والأوراق النقدية، فعرف أن شيئا قد تغير وأدرك أن ما سمعه من الكتابة هو ذلك التغيير فسأل أحد المارة عما هو مكتوب عليها فكانت الآتي:




.
.
.


" نحن في فصل الربيع لكنني لا أستطيع رؤية جماله "


الحكمة : غير وسائلك عندما لا تسير الأمور كما يجب

تعبير وتعبير !!

الصمت أحلى ولا الكلام .. ^_*





كثير بنسمع ان الصمت لغة العظماء .. وإن اذا كان الكلام من فضة فالسكوت من ذهب



نكاد نكون بنسمع اشعار عن الصمت .. وقد ايه هو بيعبر اكثر من الكلام



مع ان الكلام هو لغة التواصل بين الناس .. عشان يفهموا بعضا وبيستعينوا فى التواصل ده

باستخدام تعبيرات الوجه .. والاشارات وحركة الجسد عشان يديوا الكلام معنى اكثر ويوصل للناس بصورة احسن ..



ورغم كل ده .. إلا ان الكلام الجميل عن الصمت ما زال مستمر ..





بس تفتكروا مين احسن .. الشخص اللى بيتكلم وبيعبر عن اللى جواه .. بيجى ويقول يارتنى بقدر اسكت وما تكلمش حتى لاقرب الناس ليا ..





والشخص الصامت .. بيحس قد ايه الصمت متعب ومؤلم وانه لو اتكلم وقال اللى جواه احسن من لو خبى مشاعره واحاسيه او اى مواقف بتمر بيه جوه نفسه فقط ..





يعنى اللى بيتكلم بيتمنى يسكت



واللى ساكت بيتمنى يتكلم ..





ياترى ده عشان احنا مش بنحس بقيمة الحاجة الا لما نفقدها ..



ولا عشان الممنوع مرغوب ..



ولا  تفتكروا ليه .. ومين برأيكم الأحسن الكلام ولا الصمت ...







أنا بقى عن نفسى رأيى .. إن الكلام اهون كثير من الصمت .. عشان الكلام بيخرج طاقة جوانا .. وبنقدر نهون على نفسنا ...



أما الصمت  من وجهة نظرى .. بيكون بعد ألم .. أو لما بيكون فاض بينا من حاجة معينة .. ويقينا بنكتفى بالصمت ..





يعنى الصمت تعبير عن الألم .. والكلام تعبير عن كل حاجة ..

 

إزالةُ الخطأ تعادلُ كتابةَ الصواب

إزالةُ الخطأ تعادلُ كتابةَ الصواب

القلم والممحاة
كان داخل المقلمة، ممحاة صغيرة، وقلمُ رصاصٍ جميل..
قال الممحاة:
-كيف حالكَ يا صديقي؟
-لستُ صديقكِ!
...-لماذا؟
-لأنني أكرهكِ.
-ولمَ تكرهني؟
قال القلم:
-لأنكِ تمحين ما أكتب.
-أنا لا أمحو إلا الأخطاء .
-وما شأنكِ أنتِ؟!
-أنا ممحاة، وهذا عملي .
-هذا ليس عملاً!
-عملي نافع، مثل عملكَ .
-أنتِ مخطئة ومغرورة .
-لماذا؟
-لأنّ مَنْ يكتبُ أفضلُ ممّنْ يمحو
قالت الممحاة:
-إزالةُ الخطأ تعادلُ كتابةَ الصواب .
أطرق القلم لحظة، ثم رفع رأسه، وقال:
-صدقْتِ يا عزيزتي!
-أما زلتَ تكرهني؟
-لن أكره مَنْ يمحو أخطائي
-وأنا لن أمحوَ ما كان صواباً .
قال القلم:
-ولكنني أراكِ تصغرين يوماً بعد يوم!
-لأنني أضحّي بشيءٍ من جسمي كلّما محوْتُ خطأ .
قال القلم محزوناً:
-وأنا أحسُّ أنني أقصرُ مما كنت!
قالت الممحاة تواسيه:
-لا نستطيع إفادةَ الآخرين، إلا إذا قدّمنا تضحية من أجلهم.
قال القلم مسروراً:
-ما أعظمكِ يا صديقتي، وما أجمل كلامك!
فرحتِ الممحاة، وفرح القلم، وعاشا صديقين حميمين، لا يفترقانِ ولا يختلفان

فعلى نياتكم ترزقون ^_^

أكتر حاجة برتاح لما بتكون مسيطرة على يومـى هيا " النيـة "

ولو فيومـ نسيتها بحس ان اليومـ بالنسبالى اضرب :(

النيـة فكل حاجة يعنى انا دلوقتى هنامـ هنامـ ليـه؟
...
لما هاصحى هاصحى ليـه؟

لما هافطر او آكل بشكل عام هاكل ليـه؟

لما اساعد مامتى هاسعدها ليـه؟

لما أذاكر هذاكر ليـه؟

لما بصلى بصلى ليـه؟

حاجات كتيــــــــــــــــــــر أوى فيومنا لو ركزنا فيها هنلاقى اننا ممكن نقلبها لعبادة

بس " بالنيـة " ^_^

بس الفكرة مش ان الواحد يحولها لعبادة وخلاص

الاجمل ان الواحد بيحس انه على طول مع الله عز وجل

يعنى مركز واكتر حاجة بحبها التركيز ♥

واحد مركز مع ربنا لا فيومـ يزوغ عن هدفه ولا طريقه هنلاقى أحسن منه فيـن؟!!

ما أجمل الأيامـ اللى بنقضيها مع الله بالنية بجد ♥

وخدوا بالكوا " فعلى نياتكمـ ترزقون

: ما الفرق بين الرسالة و الرؤية ؟

 

 

إن الذين لا يحملون رسالة أكثر عرضة للمشاكل و الصدمات النفسية و الإجتماعية و الرسالة و الرؤية أهم ما يجب أن تصنعه لنفسك الآنو الرسالة و الرؤية بمثابة الخريطة و البوصلة التي يسير عليها الإنسان فمن لا خريطة له .. ضاع


مبدئيا : ما الفرق بين الرسالة و الرؤية؟الرسالة هي دورك في الحياة و غاية وجودك

أما الرؤية فهي الأهداف بأنواعها : قصيرة المدى و طويلة المدى


من شروط الرسالة: أن تتضمن نفسك ، و الآخرين و الله و منهج رسالتك هكذا تكون الرسالة متكاملة

أما انواع الرسالات : فيوجد رسالة عامة و هي غاية وجودك في الحياة و رسالات خاصة مثل رسالتك الثقافية و رسالتك الإجتماعية و الروحية و غيرها


كيف تكتب رسالة؟


احضر ورقة و قلم و تابع الخطوات

1- اختر هدف تريد أن تحققه هذا الشهر

2- استشعر أنه حدث و قمت بتحقيقه .. لا تفكر فقط استشعر .. كيف تشعر؟

3- بعد ما حصلت على سعادة تحقيقة .. ما الذي تحققه أكثر أهمية بتحقيق هذاالهدف؟

4- كل اجابة إسأل وراءها هذاالسؤال : ما الشئ الأكثر أهمية الذي أحققه بتحقيق هذا الهدف؟


5- حتى تصل الى مرحلة لا تشعر أن هناك مرحلة بعدها و تشعر عندها بالرضا و الراحة التامة

6- أختر هدف آخر و كرر معه نفس العملية - 4 أهداف على الأقل

7- ضع دائرة على الكلمات المتشابهه مثل أشعر بالسعادة -ارتاح - ارضى عن نفسي

8- الشخص دائما يحوم حول رسالته و بتكرار هذه الكلمات فأنت تحوم حول رسالتك

9- الآن اسمح لنفسك أن تأتي بكلمة أو جملة قصيرة أو شعور يعبر عن رسالتك من الكلمات التي حددتها بالدوائر


و ستكون هذه هي الرسالة

10- طبق شروط الرسالة على رسالتك و هي أن تكون متضمنة ( نفسك - الأخرين - الله ) و ان تكون بصيغة المضارع و ان لم تكن كذلك .. يمكنك تعديلها



مثال
- - - -

هدف أريد أن أحققه هذا الشهر

الإنتهاء من كتابة تدويناتي في مدونتي الجديدة - ( ماذا سأجني من ذلك؟ )- سأكون قد قيدت معلوماتي و ثبتها و التزمت بها - ( ماذا سأجني من ذلك؟) - سأنشرها لأصدقائي و جروب معلومة ع السريع - (ماذا سأجني من وراء ذلك ؟) - سيستفيد الناس بمعلومات عملية نافعة في حياتهم و علاقاتهم - ( ماذا سأجني بعد ذلك ؟) - سأشعر بالســــعادة و الرضـــــا عن نفسي لأنني قدمت ما يمكن تقديمه صغيرا كان أو كبيرا - ( ماذا سأجني من وراء ذلك ؟) - سآخذ ثواب كل ما يبنى على قراءتها من خير -( ماذا سأجني بعد ذلك ؟ ) - أنال رضا الله و قربه -( ماذا سأجني بعد ذلك ؟ ) -!!! لا يوجد أكثر من هذا


هدف آخر روحاني

حفظ جزء من القرآن الكريم - ( ماذا سأجني من وراء ذلك ؟) - أقرأ منه في الصلاة - ( ماذا سأجني من وراء ذلك ؟) - أنال الخشوع وأستشعر لـــذة القرب من الله- ( ماذا سأجني من وراء ذلك ؟) -أرضـــى عن نفسي و صلاتي- ( ماذا سأجني من وراء ذلك ؟)- - أدعو الله أن دخل ضمن المؤمنين اللذين قال الله فيهم قد أفلح المؤمنون اللذين هم في صلاتهم خاشعون -- ( ماذا سأجني من وراء ذلك ؟)- أنال رضا الله - ( ماذا سأجني من وراء ذلك ؟)- لا يوجد شئ بعد ذلك !!


في المثالين السابق ينتكررت الكلمات ارضى اسعد أرتاح لذة

اذن أنا أحوم حول إرضاء نفسي و إسعادها
هذه هي الرسالة


هل ينطبق عليها الشروط؟في الفعل المضارع ؟ نعم- هل تتضمني أنا؟ نعــمهل تتضمن الآخرين؟هل تتضمن الله؟هل مذكور فيها منهج متبع؟

في الحقيقة نعم و لكن لم أكتبها - اذن فلنكتبها بطريقة تتضمني أنا و الآخرين و الله و المنهج المتبع أيضا

فتكون

رسالتي أن : أرضي الله بــ التعلم و تطوير ذاتي و التأثير في حياة الآخرين إيجابيا



الآن .. اتبع الخطوات
و حدد رسالتك العامة في الحياة
و كن من أصحاب الرسالات
:))

مستوحى من كتاب كيف تخطط لحياتك
د. صلاح الراشد

الحب فى الله

عارفين بجد ايه احلى احساس في الدنياااا ؟؟؟

انك تحس بحب اللي حواليك ليك ...
وانهم فاكرينك ولو بكلمه بسيطه

والاحلى بقى لما يكون الناس دول حبك ليهم ومعرفتك بيهم في الله

يعني معرفه مفيش من وراها اي مصلحه دنيويه ولا غرض


اتجمعتم مع بعض على حب ورضا رب العالمين

حاولوا بجد اد ما تقدروا تخلوا كل حبكم للناس اللي حواليكم حب في الله

حتى جوزك.. ومراتك .. اخوكي ... واخوك... واصحابك ... وولادك

جدد نيتك من دلوقتي وقول بينك وبين نفسك

اللهم اني اشهدك اني احب واعامل كل خلقك حبا فيك

وعاهد نفسك انك اد ما تقدر تكون سبب في رسم بسمه وفرح لكل اللي حواليك

ربنا يحبكم ويرضى عنكم جميعا يااااااااااارب

ومتنساش دايما تدعي وتقول

اللهم ارزقنى حبك وحب من يحبك وكل عمل يقربنى منك ياااارب العالمين

عفوا الصوره مقلوبه

عفوا الصوره مقلوبه
.
.
.
.
نعم للاسف هي كذلك

عندما يدق جرس بابك ذات مساء رجل متسائلاَ
عن اسم جارك الملاصق لك ؟ وتجيبه بلا اعرف
:: أغلق بابك وأعلم أن الصورة التي بين يديك مقلوبة ::

عندما تذهب لأخذ ابنك من مدرسته أثناء وقت الدراسه الرسمي له
وتفاجئ الجميع بأنك لا تعلم في أي صف هو..!
:: فاعلم أن الصورة ما زالت مقلوبة معك ::

و عندما تمر بأحدهم كل يوم وتراه كل يوم وتألفه ويألفك
ويكاد كتفك يضرب بكتفه وخطاك تعثر خطاه
ولا تنبت شفاك او شفاه بالسلام عليكم
:: عندئذ أعلم يقيناَ أن الصورة باتت مقلوبة ::

عندما تفتش وسط جهازك (الموبايل)
وتكتشف ان آخر مكالمة أجريتها لأقرب صديق أو قريب
هي منذ اسبوع واكثر
:: فاعلم ان الصورة ما زالت مقلوبة ::

و عندما تتحول علاقاتنا المنزلية الى مجرد مسجات نرسلها لبعضنا
من خلف أبواب غرفنا الموصدة
:: فاعلموا ان الصورة مقلوبة ::

و عندما تفتقدنا موائدنا التي كان يجدر بها أن تجمعنا ثلاث مرات
في اليوم ليتناقص العدد الى مرة واحد
:: فاعلموا ان الصورة مقلوبة ::

عندما يكتظ المنزل بأكثر من ثمانية افراد
ولا يرى كل منهما الآخر إلا في نهاية الأسبوع أو في آخر اليوم
لتتحول منازلنا الى فنادق ألف نجمة
:: فاعلموا ان الصورة ما زالت تصر على أن تبقى مقلوبة ::

عندما يسيطر الانتقام على علاقاتنا الاجتماعية
فنجامل بحضورنا للمناسبات من يجاملنا بالحضور
ونتجاهل من تجاهلنا لا لشي إلا ( لنرد لهم الصاع صاعين )
:: فاعلموا أن الصورة لم تعد معتدلة ::

و عندما تكتب مندداَ بمن انعزلوا عن التواصل الاجتماعي
وتكون انت أول المقصرين اجتماعياَ وانك بذلك لا تنقد إلا نفسك
:: فاعلم أن الصورة مقلوبة وانك من يجب أن يبدأ بتعديلها ::

و عندما تتعنت الآراء ويظن كلاَ الطرفين بأنه الصح
ولا صحيح بعده ويفرد كل ذي عضلة عضلته على الأخر
ويستعرض كل منهما هيمنته ويفسد الاختلاف للحب وللود آلاف القضايا
:: فاعلم بأن كلاهما يمسك بصورة مقلوبة ::

و عندما يسطر عليك وهم العظمة
وتأخذك الظنون الى حيث تشاء
أنت وليس حيث تشاء هي
وتخيم عليك نرجسية ضاق بها خيال العالم
وتستخف بأفكار غيرك وتحسب انك أنت ولا أحد سواك هو الأفضل
وتجد ان الجميع قد انفض من حولك
وانك مازلت وحيداَ في سماء وهمك وتصر على البقاء هكذا
:: فاعلم ان مرآتك خدعتك وان صورتك مقلوبة ::

و عندما تشغل منصبا تربوياَ يحتم عليك ان تنادي بضرورة تربية الأبناء
التربية الدينية الحسنة وتعويدهم على العادات والأخلاقيات السليمة
وأبنائك في البيت يعاونون من عقداَ نفسية بسبب سوء تربيتك لهم
:: فاعلم تماماَ أنك لا تملك إلا صورة مقلوبة ::


و عندما تكتب وتكتب لا لشي إلا لغاية ونية سيئة تخفيها
متناسياَ أنك ستحاسب عليها يوما وستسائل عليها يوماَ
:: فكن على يقين بأنك تمسك بصورة مقلوبة ::



[ وعندما .. وعندما .. وعندما ]
وعندما تمر بأذهانكم الآن صور أخرى مقلوبة
:: فاعلموا أن البوم الصور كله مازال مقلوبا ::
.
.
.
.
.
ألم يحن الوقت.. لنعدل الصورة ؟

جزاء قوة اليقين بالله

يارب تكونوا جميعا فى احسن الاحوال .. كلنا مستعدين للعشر الاواخر عسى الله ان يبلغنا ليلة القدر ويعفو عنا جميعا يارب <3 ويفتح لنا ابواب رحمته وقربه

استوقفتنى آيات فى سورة القصص النهارده ولاقيت فيها قمة اليقين والثقة بالله واجمل جزاء كان من ربنا لأم سيدنا موسى عليه السلام

 جزاء قوة اليقين بالله <3

هكذا كانت أم سيدنا موسى فى موعد مع جزاء الله علي يقينها وثقتها به .. بعد ما اطاعت اوامر الله عزوجل

بدأت القصة بعد ولادة سيدنا موسى .. وخوف امه عليه من فرعون وانه يقتله .. بعدها يأمرها ربنا سبحانه وتعالى بإنها تلقيه فى اليم .. تخيلوا حب الام وقد ايه كانت فى انتظار طفلها ده .. اختبار من ربنا عظيم ليها .. بس هى نفذت اوامر ربنا والقته بايديها فى اليم ..


بس ده كان بسبب ثقتها فى ربنا .. انه اكيد ده الخير ليها ولطفلها <3
قمة اليقين ف الله وقضاءوه ..

وأوحينا إلى أم موسى أن أرضعيه فإذا خفت عليه فألقيه في اليم ولا تخافي ولا تحزني إنا رادوه إليك وجاعلوه من المرسلين - سورة القصص الاية 7

طيب بعد ما وثقت فى الله ام موسى .. يجى هنا اول جزاء ليها على يقنها بالله

فالتقطه آل فرعون ليكون لهم عدوا وحزنا إن فرعون وهامان وجنودهما كانوا خاطئين ( 8 ) وقالت امرأة فرعون قرة عين لي ولك لا تقتلوه عسى أن ينفعنا أو نتخذه ولدا وهم لا يشعرون (9)

يبقى ولدا فى بيت فرعون ... سبحان الله .. الشخص اللى كان هو اللى حيقتله .. هو اللى زوجته تطلب منه ان لا يقتلوه ..
فعلا سبحان من امره بين الكاف والنون !!

طيب وبعدين !! دى ام !! طبيعى بتتألم .. الطفل اللى كانت منتظرة ولادته مش معاهم .. اكيد قلبها وجعها .. وربنا اعلم حد بده سبحانه .. يديها قوة وصبر من عنده ..

وأصبح فؤاد أم موسى فارغا إن كادت لتبدي به لولا أن ربطنا على قلبها لتكون من المؤمنين ( 10 )

<3 زى ما ربنا فى حياتنا بيدنا الداء ومعاه الدواء .. سواء كان نسيان لامر فى حياتنا سبب لنا الألم او فقد لحد عزيز علينا ويصبرنا ربنا بعدها .. تقريبا الموقف مشابه ;)

بس المهم يا ترى احنا عندنا يقين وثقة بالله كده زى ام سيدنا موسى عليه السلام !!!؟؟


ده لسه كمان جاى جزاء ربنا عن يقين ام موسى عليه السلام شوفوا حيحصل ايه !

وحرمنا عليه المراضع من قبل فقالت هل أدلكم على أهل بيت يكفلونه لكم وهم له ناصحون ( 12 ) فرددناه إلى أمه كي تقر عينها ولا تحزن ولتعلم أن وعد الله حق ولكن أكثرهم لا يعلمون ( 13



ياااااه ع عطاء ربنا بجد .. يحرم عليه المراضع .. عشان يرده ويرجعه لأمه .. فتقر عينها ولا تحزن .. جزاء ثقتها بالله .. ربنا سبب الاسباب عشان يرجعلها ابنها ولولا ثقتها بالله اكيد الموضوع كان حيختلف جدااا ..

يمكن كلنا عارفين القصة دى .. بس مش كلنا اخدناها بالمعنى ده .. اليقين بالله .. القصة دى تدينا تفاؤل وامل وثقة ان الجاى فى حياة كل واحد فينا هو الخير وهو احسن من اللى راح ان شاء الله .. المهم نتوكل على الله .. ونثق فيه .. ونقوله بجد من قلبنا
حسبنا انت يارب ونعم الوكيل .. فوضوا امركم لله .. واكيد ربنا مش حيخيب ظننا فيه ابدااا ... فى حياتنا او علاقتنا او شغلنا او حتى علاقة بربنا .. نخلى عندنا يقين بالله .. نزود الثقة فيه فى قلوبنا .. نتوب واحنا على ثقة انه حيقبلنا وانه اعظم من اى شىء .. نشتغل ونتعب واحنا على يقين انه حينجحنا وحيوفقنا .. نحب ونعمل الخير واحنا على ثقة انه حيحفظنا وحيكأفئنا .. نتصدق بأموالنا او كلماتنا واحنا على ثقة انها حترجعلنا اضعاف ما اديناها ..


يارب تكون الفكرة وصلتلكم والمقالة ادتلكم أمل فى الحياة اكثر .. وطبعا احنا فى ايام جميلة كافية اننا يبقى عندنا يقين بالله


ربنا يعطيكم ما يرضيكم ..
AmOla zaki

حتى تكون أسعد الناس

حتى تكون أسعد الناس
................................

الضحك المعتدل يشرح النفس ويقوي القلب ويذهب الملل وينشط على العمل ويجلو الخاطر .

العبادة هي السعادة، والصلاح هو النجاح، ومن لزم الأذكار وأدمن الاستغفار وأكثر الافتقار فهو أحد الأبرار.

خير الأصحاب من تثق به وترتاح وتفضي إليه بمتاعبك ويشاركك همومك ولا يفشي سََّرك .

لا تتوقع سعادة أكبر مما أنت فيه فتخسر ما بين يديك ،ولا تنتظر مصائب قادمة فتستعجل الهم والحزن .

لا تظن أنك تعطي كل شيء، بل تعطي خيراً كثيراً،أما أن تحوي كل موهبة وكل عطية فهذا بعيد .

امرأة حسناء تقية ، ودار واسعة ، وكفاف من رزق، وجار صالح .. نعم جهلها الكثير.

فن النسيان للمكروه نعمة ،وتذكر النعم حسنة ، والغفلة عن العيوب الناس فضيلة .

العفو ألذ من الانتقام ، والعمل أمتع من الفراغ ، والقناعة أعظم من المال ، والصحة خير من الثروة .

الوحدة خير من الجليس السوء ،والجليس الصالح خير من الوحدة ،والعزلة عبادة ، والتفكر طاعة .

العزلة مملكة الأفكار ، وكثرة الخلطة حمق ، والوثوق بالناس سفه ، واستعداؤهم شؤم.

سوء الخلق عذاب ،والحقد سم ، والغيبة رذالة ،وتتبع العثراث خذلان .

شكر النعم يدفع النقم ، وترك الذنوب حياة القلوب ، والانتصار على النفس لذة العظماء.

خبز جاف مع أمن ألذة من العسل مع الخوف ، وخيمة مع ستر أحب من قصر فيه فتنة.

فرحة العالم دائمة ، ومجده خالد ، وذكره باق ، وفرحة المال منصرمة ،ومجده إلى الزوال ،وذكره إلى نهاية .

الفرح بالدنيا فرح الصبيان ، والفرح بالإيمان فرح الأبرار ،وخدمة المال ذل ، والعمل لله شرف.

عذاب الهمة عذب ،وتعب الإنجاز راحة ، وعرق العمل مسك ،والثناء الحسن أحسن طيب .

السعادة أن يكون مصحفك أ نيسك ، وعملك هوايتك ، وبيتك صومعتك ، وكنزك قناعتك .

الفرح بالطعام والمال فرح الأطفال ، والفرح بحسن الثناء فرح العظماء ، وعمل البر مجد لا يفنى.

صلاة الليل بهاء النهار، وحب الخير للناس من طهارة الضمير ، وانتظار الفرج عبادة.

في البلاء أربعة فنون : احتساب الأجر ، ومعايشة الصبر ، وحسن الذكر ، وتوقع اللطف.

الصلاة جماعة، وأداء الواجب، وحب المسلمين، وترك الذنوب، وأكل الحلال صلاح الدنيا والآخرة.

لا تكن رأساً فإن الرأس كثير الأوجاع، ولا تحرص على الشهرة فإن لهل ضريبة، والكفاف مع الخمول سعادة.

علامة الحمق ضياع الوقت ،وتأخير التوبة ، واستعداء الناس ، وعقوق الوالدين ، وإفشاء الأسرار.

يعرف موت القلب بترك الطاعة ،وإدمان الذنوب ، وعدم المبالاة بسوء الذكر ، والأمن من مكر الله ،واحتقار الصالحين .

من لم يسعد في بيته لن يسعد في مكان آخر ،ومن لم يحبه أهله لن يحبه أحد ، ومن ضيع يومه ضيع غده.

أربعة يجلبون السعادة : كتاب نافع ، وابن بار، وزوجة محبوبة، وجليس الصالح ، وفي الله عوض عن الجميع .

إيمان وصحة وغنى وحرية وأمن وشباب وعلم هي ملخص ما يسعى له العقلاء ، لكنها قل أن تجتمع كلها .

اسعد الآن فليس عندك عهد ببقائك ، وليس لديك أمان من روعة الزمان، فلا تجعل الهم نقداً والسرور ديناً.

أفضل ما في العالم إيمان صادق ،وخلق مستقيم، و عقل صحيح وجسم سليم، ورزق هانىء وما سوى ذاك شغل .

نعمتان خفيتان: الصحة في البدن والأمن، في الأوطان. نعمتان ظاهرتان: الثناء الحسن، والذرية الصالحة.

القلب المبتهج يقتل ميكروبات البغضاء ، والنفس الراضية تطارد حشرات الكراهية

الأمن أمهد وطاء، والعافية أسبغ غطاء ،والعلم ألذ غذاء ،والحب أنفع دواء ، والستر أحسن كساء.

السعادة لا يكون فاسقاً ولا مريضا ولاً مديناً ولا غريباً ولا حزيناً ولا سجيناً ولا مكروهاً

"إبدأ بنفسك

"إبدأ بنفسك"




يحكى أن ملكاً كان يحكم دولة واسعة جداً
أراد هذا الملك يوما القيام برحلة برية طويلة
وخلال عودته

وجد أن أقدامه تورمت بسبب المشي في الطرق الوعرة
فأصدر مرسوماً يقضي
بتغطية كل شوارع مدينته بالجلد

ولكن احد مستشاريه أشار عليه برأي أفضل
وهو عمل قطعة جلد صغيرة تحت قدمي الملك فقط
فكانت هذه بداية نعل الأحذية




إذا أردت أن تعيش سعيدا في العالم

فلا تحاول تغيير كل العالم

بل أعمل التغيير في نفسك ومن ثم حاول تغيير العالم بأسر

ღ الــتــسـامــح ღ

♥*´¨ღ الــتــسـامــح ღ¨`*♥

التسامح في ديننا العظيم

الإسلام دين الفطرة، دين الحنيفية السمحة، دين التسامح والمحبة والأخلاق العظيمة.
والتسامح خلق الإسلام كدين منذ أن خَلَق الله الأرض ومن عليها، منذ أن بعث الأنبياء والرسل، فكانت رسالة السماء تُسمّى على مر العصور، وفي زمن كل الأنبياء بالحنيفية السمحة كدليل على التسامح والتواصل والمحبة.

ثمّ جاء رسول الله _صلّ الله عليه وسلم_ حاملاً هذه الرسالة العظيمة المتضمنة لكل معاني القيم الإنسانية والحضارية، وفي طليعة هذه القيم التسامح .

فكان في تعامله مع المسلمين متسامحاً حتى قال الله تعالى_ فيه:
" لَقَدْ جَاءَكُمْ رَسُولٌ مِنْ أَنْفُسِكُمْ عَزِيزٌ عَلَيْهِ مَا عَنِتُّمْ حَرِيصٌ عَلَيْكُمْ بِالْمُؤْمِنِينَ رَؤُوفٌ رَحِيمٌ" (التوبة:128)،

ثبت علمياً أن من أهم صفات الشخصيات المضطربة والتي تعاني من القلق المزمن

هو أنها لا تعرف التسامح .. ولم تجرب لذة العفو ونسيان الإساءة.

♥ أنت الأقوى بالتسامح ♥

ولقد ضرب رسول الله صل الله عليه وسلم عشرات الأمثلة على التسامح والعفو وعلى نفس الدرب سار الصحابة رضوان الله عليهم.. ويحكى عن عمر بن الخطاب - رضى الله عنه - أن رجلاً قال له: "إنك لا تقضى بالعدل، ولا تعطى الجزل، فتغير عمر، وظهر ذلك
على وجهه.


فقال له أحد الحاضرين: يا أمير المؤمنين، ألم تسمع قول الله سبحانه وتعالى: "خذ العفو، وأمر بالعرف، وأعرض عن الجاهلين" فقال عمر: صدقت، وكأنما كانت ناراً فأطفئت".
سبحان الله.. لقد أيقظ هذا الرجل فى ذهن أمير المؤمنين معانى هذه الآية الكريمة فأطاحت على الفور بالأفكار والانفعالات الغاضبة.. وهذا بالتحديد ما نعنيه من أن فكرة إيجابية يمكن أن توقف أو تطرد فكرة سلبية وتوقف تأثيرها فى الحال.

وعلى الفرد الذى يحتاج لتزكية سمات التسامح والعفو أن يردد من حين لآخر قول الله تعالى:
"خذ العفو، أمر بالعرف، وأعرض عن الجاهلين" (الأعراف 199)
"فاعف عنهم واصفح، إن الله يحب المحسنين" (المائدة 13)
"وأن تعفوا أقرب للتقوى" (البقرة 237)
"أدفع بالتى هى أحسن، فإذا الذى بينك وبينه عداوة كأنه ولى حميم" (فُصِّلت 34).

أنت أيضاً تستطيع أن تدرب نفسك على العفو والتسامح بتكرار هذه الآيات الكريمة والأحاديث الشريفة في السيطرة على الغضب وغرسها في ذهنك والاستعانة بها خلال جلسات الخلوة


قال تعالى : ( وَلْيَعْفُوا وَلْيَصْفَحُوا )

وقال تعالى : ( فَمَنْ عَفَا وَأَصْلَحَ فَأَجْرُهُ عَلَى اللَّهِ )

كل إنسان يتصل بالناس، فلابد أن يجد من الناس شيئاً من الإساءة، فموقفه من هذه الإساءة أن يعفو ويصفح.

سوف تنقلب العداوة بينه وبين أخيه إلى ولاية، ومحبة، وصداقة

قال تعالى : ( وَلَا تَسْتَوِي الْحَسَنَةُ وَلَا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ )

" وما زاد الله عبداً بعفوٍ إلا عزاً, وما تواضع أحد لله إلا رفعه الله

¨`*♥ الأمل ♥*´¨

ღ¨`*♥ الأمل ♥*´¨ღ

يُحكى أن قائدًا هُزِمَ في إحدى المعارك، فسيطر اليأس عليه، وذهب عنه الأمل، فترك جنوده وذهب إلى مكان خال في الصحراء، وجلس إلى جوار صخرة كبيرة.

وبينما هو على تلك الحال، رأى نملة صغيرة تَجُرُّ حبة قمح، وتحاول أن تصعد بها إلى منزلها في أعلى الصخرة، ولما سارت بالحبة سقطت منها، فعادت النملة إلى حمل الحبة مرة أخري. وفي كل مرة، كانت تقع الحبة فتعود النملة لتلتقطها، وتحاول أن تصعد بها...وهكذا.

فأخذ القائد يراقب النملة باهتمام شديد، ويتابع محاولاتها في حمل الحبة مرات ومرات، حتى نجحت أخيرًا في الصعود بالحبة إلى مسكنها، فتعجب القائد المهزوم من هذا المنظر الغريب، ثم نهض القائد من مكانه وقد ملأه الأمل والعزيمة فجمع رجاله، وأعاد إليهم روح التفاؤل والإقدام، وأخذ يجهزهم لخوض معركة جديدة..

وبالفعل انتصر القائد على أعدائه، وكان سلاحه الأول هو الأمل وعدم اليأس، الذي استمده وتعلمه من تلك النملة الصغيرة

*ما هو الأمل؟

الأمل هو انشراح النفس في وقت الضيق والأزمات؛ بحيث ينتظر المرء الفرج واليسر لما أصابه، والأمل يدفع الإنسان إلى إنجاز ما فشل فـيه من قبل، ولا يمل حتى ينجح في تحقيقه.

الأمل عند الأنبياء:

الأمل والرجاء خلق من أخلاق الأنبياء، وهو الذي جعلهم يواصلون دعوة أقوامهم إلى الله دون يأس أو ضيق، برغم ما كانوا يلاقونه من إعراض ونفور
وأذي؛ أملا في هدايتهم في مقتبل الأيام.

الأمل عند الرسول صل الله عليه وسلم: كان النبي صل الله عليه وسلم حريصًا على هداية قومه، ولم ييأس يومًا من تحقيق ذلك وكان دائمًا يدعو ربه أن يهديهم، ويشرح صدورهم للإسلام.

وقد جاءه جبريل -عليه السلام- بعد رحلة الطائف الشاقة، وقال له: لقد بعثني ربي إليك لتأمرني بأمرك، إن شئتَ أطبقتُ عليهم الأخشبيْن (اسم جبلين)، فقال صل الله عليه وسلم: (بل أرجو أن يُخْرِجَ الله من أصلابهم من يعبد الله وحده لا يشرك به شيئًا) [متفق عليه].

وكان رسول الله صل الله عليه وسلم واثقًا في نصر الله له، وبدا ذلك واضحًا في رده على أبي بكر الصديق، أثناء وجودهما في الغار ومطاردة المشركين لهما، فقال له بكل ثقة وإيمان: {لا تحزن إن الله معنا} [التوبة: 40].

أمل نوح -عليه السلام-: ظل نبي الله نوح -عليه السلام- يدعو قومه إلى الإيمان بالله ألف سنة إلا خمسين عامًا، دون أن يمل أو يضجر أو يسأم، بل كان يدعوهم بالليل والنهار.. في السر والعلن.. فُرَادَى وجماعات.. لم يترك طريقًا من طرق الدعوة إلا سلكه معهم أملا في إيمانهم بالله: {قال رب إني دعوت قومي ليلاً ونهارًا . فلم يزدهم دعائي إلا فرارًا . وإني كلما دعوتهم لتغفر لهم جعلوا أصابعهم في آذانهم واستغشوا ثيابهم وأصروا واستكبروا استكبارًا . ثم إني دعوتهم جهارًا . ثم إني أعلنت لهم وأسررت لهم إسرارًا}
[نوح: 5-9].

فأوحى الله -تعالى- إليـه أنه لن يؤمن معه أحد إلا من اتبعه، فصنع السفينة، وأنجاه الله هو والمؤمنين.

أمل يعقوب -عليه السلام-: ابتلى الله -سبحانه- نبيه يعقوب -عليه السلام- بفقد ولديْه: يوسف وبنيامين، فحزن عليهما حزنًا شديدًا حتى فقد بصره، لكن يعقوب -عليه السلام- ظل صابرًا بقضاء الله، ولم ييأس من رجوع ولديه، وازداد أمله ورجاؤه في الله -سبحانه- أن يُعِيدَهما إليه، وطلب يعقوب -عليه السلام- من أبنائه الآخرين أن يبحثوا عنهما دون يأس أو قنوط، لأن الأمل بيد الله، فقال لهم: {يا بني اذهبوا فتحسسوا من يوسف وأخيه ولا تيأسوا من روح الله إنه لا ييأس من روح الله إلا القوم الكافرون} [يوسف: 87]،

وحقق الله أمل يعقوب ورجاءه، وَرَدَّ عليه بصره وولديه.

أمل موسى -عليه السلام-: ظهر الأمل والثقة في نصر الله بصورة جليَّة في موقف نبي الله موسى -عليه السلام- مع قومه، حين طاردهم فرعون وجنوده، فظنوا أن فرعون سيدركهم، وشعروا باليأس حينما وجدوا فرعون على مقربة منهم، وليس أمامهم سوى البحر، فقالوا لموسى: {إنا لمدركون}
[الشعراء: 61].
فقال لهم نبي الله موسى -عليه السلام- في ثقة ويقين: {قال كلا إن معي ربي سيهدين} [الشعراء: 62]. فأمره الله -سبحانه- أن يضرب بعصاه البحر، فانشق نصفين، ومشى موسى وقومه، وعبروا البحر في أمان، ثم عاد البحر مرة أخرى كما كان، فغرق فرعون وجنوده، ونجا موسى ومن آمن معه.

أمل أيوب -عليه السلام-: ابتلى الله -سبحانه- نبيه أيوب -عليه السلام- في نفسه وماله وولده إلا أنه لم يفقد أمله في أن يرفع الله الضر عنه، وكان دائم الدعاء لله؛ يقول تعالى: {وأيوب إذ نادى ربه إني مسني الضر وأنت أرحم الراحمين} [الأنبياء: 83]. فلم يُخَيِّب الله أمله، فحقق رجاءه، وشفاه الله وعافاه، وعوَّضه عما فقده.

الأمل والعمل:

الأمل في الله ورجاء مغفرته يقترن دائمًا بالعمل لا بالكسل والتمني، قال تعالى: {فمن كان يرجو لقاء ربه فليعمل عملاً صالحًا ولا يشرك بعبادة ربه أحدًا} [_الكهف: 110].

وقال عز وجل: {إن الذين آمنوا والذين هاجروا وجاهدوا في سبيل الله أولئك يرجون رحمت الله والله غفور رحيم} [البقرة: 218].
فلا يقول الإنسان: إن عندي أملا في الله، وأُحسن الظن بالله، ثم بعد ذلك نراه لا يؤدي ما عليه تجاه الله من فروض وأوامر، ولا ينتهي عما نهى الله عنه، والذي يفعل ذلك إنما هو مخادع يضحك على نفسه.
روي أن النبي صل الله عليه وسلم قال: (حسن الظن من حسن العبادة) [أبوداود وأحمد

خسرتك .. يارتنى - اه لو كنت !!

سؤال بيطرح نفسه ودايما بيخطر ف بالى .. ليه معظم الناس مش بتحس بقيمة اى حاجة الا لو خسروها !!!

يعنى مثلا لازم حد يخسر صديق عشان يعرف ويحس قد ايه هو كان مهم عنده .. ليه مثلا لازم تخسر صحتك بالسجاير او غيره عشان تحس قد ايه هى كانت حاجة مهمة المفروض تحافظ عليها !! ليه لازم تخسر حب صادق عشان تعيش عمرك ندمان انك ضيعته بعد ما كان ف ايدك .. ليه لازم تخسر نجاح عشان تحس ان المفروض كنت تبقى احسن وانت ضيعت الفرصة !! ليه مش بتحس بقيمة اهلك او اخواتك الا لو فقدت حد منهم !!

مليوووووون ليه وليه بنسمعها من ناس كثير فى حياتنا

قصادها مليون ياريت و لو و يارب يرجع الزمن بيا لورا تانى وليه حصل كده

عارفين بوجهة نظرى ليه ؟!! يعنى ايه الاجابة

اولا : هى عدم رضا بقدر الله

ثانيا : هى اننا دايما اما عايشين فى الماضى او فى المستقبل

وما حدش فاهم ان الوقت الحاضر ده اللى نملكه ولازم نعيشه صح عشان قدام ما يبقاش ماضى ونندم تانى اننا ضيعناه

ثالثا : السلبية ايوه السلبية

ناس كثير قدام كل حاجة او فرصة .. تقول مش حقدر اوصلها .. او ده نصيبى كده .. وتجيب كل حاجة ع القدر والظروف والجواباات زى ما احنا عارفين

لكن بنظرى انا هى سلبية احيانا

كل واحد قاعد مكانه وعاوز كل حاجة تجيله ( شغلة تمام - وزوجة حلوة وبتحبه وصديق يصونه ونجاح وتميز ) كل حاجة من غير تعب

والحقيقة انه عمر ما الانسان حياخد اى حاجة الا لو تعب بجد عشان يوصلها

ياريت كلنا نكون واثقين فى ربنا الاول وفى قدراتنا ثانيا و نتعب ونعرف ان عمرنا ما حنحقق اهداف مجانا !!!

وما نيل المطالب بالتمنى ولكن تؤخد الدنيا غلابة

عشان كده لازم نكون واثقين فى ربنا وفى قدرات نفسنا ونعمل دايما اللى علينا

وبعد كده لو عملنا كل حاجة واخدنا بالاسباب والحاجة راحت يبقى هو ده القضاء والقدر

ونحمد ربنا عليه من غير ما نقف عنده ونندم ونبدأ من جديد

اتمنى تكون فكرتى ورايى وصلكم بطريقة صح

طبيعة الدنيا فوق وتحت .. خليك متفاءل

السلام عليكم ويا رب يوم مشرق سعيد عليكم جميعاً وإللى فى ضيق أو كرب ربنا يفرجه ويصرفه عنه عاجل غير آجل إن شاء الله

عاوزه أقولكم حاجه كلنا عارفينها بس من وقت للتانى لازم نفكر ونصبر بعض بيها

مهما كانت الضيقه والهم والغم ...كلها حاجات وبتعدى وما فى شئ بيستنى على حاله وإلا كان كل يائس انتحر وكل موسر استبد وفجر
...
بص وراك كده هتلاقيك اتعرضت لمشاكل بلا حصر ووقعت فى مصائب ظنيت وقتها ان دى آخر الدنيا ونهاية العالم ويوم والتانى تعدى وتنسى وتفتكرها بعد سنين تضحك عليها او تبتسم وتقول من قلبك....الحمد لله رب العالمين

وعندكوا كتب التاريخ أكبر مثال ودليل على كلامى، شوفتوا كوارث ومصايب كل يوم؟ أكوام أكوام، حاجه تسد النفس....بتوجعنا من مجرد قراءتها او السمع عنها فما بالكم بقا بالناس إللى عاصروها وعاشوها....الله يكون فى عونهم

علشان كدا لما تقرا احداث التاريخ ومآسيه هنا اسرح بخيالك وافتكر اللى فات وقارنه بالحاضر ،، ابتسم وقول لنفسك.....إن شاء الله كله هيعدى وهيبقا ذكريات وبكره اقعد مع نفسى واضحك على كل اللى بيحصل ده، تحول من حاضر مؤلم إلى ماضى بيرسم ابتسامة حمد ورضا على شفايفك
دى ميزة التاريخ،، بيهون عليك الأمور وبيصبرك شويه

وميزة ان يكون عندك ذاكره تفكرك بإللى فات من وقت للتانى

طبيعة الدنيا فوق وتحت
عثرات ووقفات
انتصارات وانكسارات
ups & downs

صخر بينبت منه زهر وليل سواده حالك بيبزغ بعده فجر

الشمس دايماً هتطلع بُكره

كلنا خايفين وقلقانين وأحوالنا بشعه ، عندنا وحوالينا وجنبنا وبعيد عننا، كلنا فى الهوا سوا. زى ما بيقولوا تقريباً الحال من بعضه

الفرق بس فى مين إللى بيتبع السُبُل ويفوق بسرعه ويحسن التصرف علشان يلحق نفسه
والفرق كمان فى مدى إيمانكم بالله وقدرته وحكته فى تصريف الأمور

عن نفسى دايماً عندى أمل ومستنيه بُكره إللى وعدنا بيه ربنا سبحانه وتعالى، المشاكل هتعدى والمستقبل احسن ان شاء الله، حتى وان مكناش هنعيش فيه فعلى الأقل نتركه لأولادنا يشكرونا عليه

عارفين الآيه دى من سورة "النور"(وعد الله الذين آمنوا منكم وعملوا الصالحات ليستخلفنهم في الأرض كما استــخلف الذين من قبلهم وليمكنن لهم دينهم الذي إرتضى لهم وليبدلنهم من بعد خوفهم أمنا يعبدونني لا يشركون بي شيئا ) آيه 55

اعمل إللى عليك وتوكل على الله وتفاءل وأبشر وبشر بالخير تجده ان شاء الله
والله المُستعان

اتعلم ازاى تبقى بطاطساية !

كلام ... متأكد انه هيعجبك ... اقرأ , واترك تعليقك

عارفين ليه البطاطس المحمرة هي الاكلة الوحيدة اللي اجتمع الناس كلهم علي حبها ؟
.
.
.
1- البطاطس المحمرة لما بتتقلي في الزيت بتبقي عادة مقرمشة من برة و طرية من جوة
-عشان كدة لما حد يعمل معاك موقف سخن اوي ماتعملهوش وحش اوي ..ايوة حسسه انك زعلان منه و خد موقف بس خلي قلبك ابيض و وطري "طيب يعني " مش ناشف و سامح عشان ربنا بيسامح.

2-البطاطس المحمرة تلاقيها عند ماكدونالدز ( فرينش فرايس) و برضه تلاقيها عند بتاع الفول والطعميه

يعني انت كمان خليك زي البطاطساية ماتتكبرش علي حد وصاحب كل الناس غني او فقير

3-البطاطس المحمرة بتتقدم مع حاجات كتير :مايونيز , كاتشب ,صوصات مختلفة و ساعات كمان طحينة بس بتفضل في الاخر اسمها بطااااطس
-يعني مهما اتعرضت لثقافات و بيئات مختلفة احتفظ دايما بشخصيتك المستقلة و طريقة تربيتك و خلي الناس هية اللي تتاثر بيك

4-البطاطس برضه ممكن تبقي شيبسي و هي اول حاجة بنفكر فيها لما بنحس بالجوع و احنا برة البيت
- ساعد الناس دايما و خليك اول واحد ييجي علي بالهم لما يقعوا في مشكلة خليك جدع زي "الشيبسي كده"


5_البطاطس انواع فى بطاطس محمرة بطاطس مهروسه بطاطس بوريه بطاطس ف الفرن بطاطس سلطه بس ف النهايه هى بطاطس

-انت كمان حاول تبقى انت بشخصيتك بس نوع ف طريقتك مع الناس عشان متبقاش ممل


6-البطاطس المحمرة لو اتهرست بتبقي برضه طعمها حلو و ممكن نسميها "بطاطس بوريه"
-مهما الدنيا تهرس و تبهدل فيك خليك شخص كويس و لذيذ و طلع للدنيا لسانك و قول
"انا بطاطساية بوريه :P
ببساطة عشان تبقي محبوب من كل الناس
خليك بطاطس
:D:D

مين هيقول انا هبقى بطاطسايه ؟؟ :D :D
ومين عجبه الكلام وهيعمل شير للصوره دي !! ؟؟