قصة نجاح بحملة غير حياتك

حوار مع أ.أبرار مسعود .. صحفية بجامعة الأزهر .. وأ.أمل زكى 

حول مسمى #قصة_نجاح بحملة غير حياتك ..

#س1 : حضرتك شخصية ناجحة جدااا .. ومازلتي لسه صغيرة سناً وفي فترة قصيرة لمع اسمك في سماء التنمية البشرية وحققتي فيها نجاحا باهرا " ربنا يوفقك ويزيدك يااارب " .. ممكن تحكيلنا بشكل مختصر عن تجربتك الناجحة .. وهل وجودك اليوم كأبرز مدربي التنمية البشرية في مصر كان مخطط له مسبقا ؟؟ ولا كنت في طريق تاني وحسيتي انو خطأ فغيرتي الوجهة للتنمية البشرية والمعالجة النفسية ؟؟؟ 

" لمن لا يعلم فقط .. سؤالي للدكتورة امل زكي .. المدربة في مجال التنمية البشرية والمعالجة النفسية .. حابة اننا نستفاد من تجربتك يا دكتور .. 

#ج1 : 

أسعدتينى بجزء فى سؤالك  كونك شايفة حاجة بتمنى من ربنا إنى أكون فيها بنية معينة جوايا ولوجهه قبل أى شىء .. 

اهم الخطوات فى حياتى العملية .. 

إنى كنت مخططة لحياتى بشكل معين .. وما حصلش وكان دى اول نقطة فــ حياتى تعبت جداا والهدف فى جامعة معينة ما تحققش .. وكان ده اول اختبار من ربنا 

هكمل ولا اقول مش مهم ! واكثر حاجة افادتنى وقتها #المرونة فى تبديل الهدف بفكرة اقرب منه وتوصل اليه بطريقة تانية وربنا ساعدنى جداا فى انه وضحلى الطريق لما دخلت كلية واخترت قسم غير اللى انا درسته لما قبلت شخص قالى ده قسم طبى ودارسته بلغة انجليزي مواده متقسمة ما بين كلية الاداب قسم الدراسات الصوتية (phonetics ) وكلية الطب .. وجميل جدا خصوصا للطلاب الخرجين علمى ( كنت علمى رياضة ) وقد كان وبقيت فى كلية مبسوطة ان ربنا جعلنى فيها ولاقيت القسم ما بين حلمى القديم فى كلية صيدلة وما بين الدارسة التنموية من لغة الجسد والتواصل والاتصال والبرمجة اللغوية العصبية حاجات كلها درستها فى الجامعة 

ولما اتخرجت ركزت جداا انى ادرب كورسات فى مجالى الاول وفى اول سنة بعد التخرج اخدت كورسات وانا كنت بشتغل فى مجالى الطبى وعلاج اضطرابات اللغة والكلام لحد ما درست فى جامعة من جامعات الاسكندرية وبدات ادرب فى المجالين التخاطب وتنمية المهاراات الذاتية 

وسعيدة برأيك انى من أبرز مدربين التنمية والمهارت الذاتية .. 

ربنا يجعلنى كده عشان مش بس عمارة الأرض وعشان تحقيق هدفى أنا بعشق النجاح .. والانسان طول ما بيفكر فى حاجة بيوصلها سواء كانت حلوة او سيئة !

اما موضوع السن .. الفكرة مالهاش علاقة خالص بعمرنا الزمنى قد ايه .. المهم عمرنا العقلى قد ايه وقادر يحدد حياتنا بشكل صح ولا لا .. ومدى إدراكنا انه مفيش فشل دى خبرات بنتوجع او بنمر بحاجة صعبة عشان نقرر يا نكون اقوى منها وننجح يا نكون أضعف ونفضل فى مكانا وعمرنا الزمنى يعدى ونعيش ونموت بلا أى أثر فى الحياة !

دى القصة بكل إختصار 

و #ختمت الصفحية أ أبرار الحديث قائلة :

.

الكثير من الطلاب لما مش بيقدر يلتحق بــ الكلية اللي هو عاوزها الدنيا بتتقفل في وشه .. وبيستسلم للوضع و بتلاقي كل امنياته ذهبت ادراج الرياح .. ومابقاش ليه هدف .. وخايف يحط هدف تاني ويضيع منه زي الاول .. فبيكمل حياته ويسيب الظروف والدنيا هيا اللي تتحكم في مسار حياته وتشكيل مستقبله .. وفي كلامك لفت انتباهي نقطة#المرونة_في_تغيير_الاهداف واننا نختار مسلك تاني قريب من حلمنا او اللي كنا عاوزينه .. 

كلامك رائع جداااا يا دكتور .. انا اتبسطت اووووي بيه واستفدت كمان .. ربنا يزيدك ويوفقك اكتر وينفع بيكي ..