شوف إنت مين فيهم ♥

.

أنواع الناس اللى فى حياتنا

أكيد فى حياتنا كلنا ناس زى اللى حقول عليهم دول ^^

كل واحد وهو بيقرأ كلامى ده حيشوف نفسه وحيشوف مين فى حياته زى الناس دى اللى فى حياتى ..

فى ناس كده .. كل همهم سعادتك .. بيدعولك فى حضورك وغيابك .. وانت مفرحهم او وانت مزعلهم

ودول بقى اقرب الناس ليك ^_^ بيجرى حبك فى دمهم وحبهم فى دمك

دول أهلك دول زوجك او زوجتك دول حبيبك او جبيتك ^^

( دعوة صافية دلوقتى من كل واحد فينا ليهم بجد :) ربنا يديم وجودهم فى حياتنا دايما :) ويعطيهم ما يرضيهم يارب

_________________________

النوع التانى ^^  

نوع معاك دايما فى شدتك قبل فرحتك

طبعا عرفنا دول مين .. دول الأصدقاء

( شابوه منى ومنكم لكل اصدقاء عمركم اللى بجد )

ربنا يجمعنا بيهم فى الجنة زى ما جمعنا معاهم فى الدنيا  ^_^

_______________________________

النوع الثالث

نوع علمنا وكان سبب ولو بسيط فى تعلمينا خبرة ولو بسيطة

زى اساتذتنا فى المدرسة والجامعة او حتى طفل ف الشارع علمنا حاجة من موقف عمله

 تحياتنا كلنا لكل حد علمنا حرفا .. او معنى اثر فى نفوسنا

ومنى دعوة خاصة جدااااااا لدكتور ابراهيم الفقى

________________________

النوع الرابع  

نوع بيحبنا اكثر يمكن من احنا ما بنحبه او نعرفه .. والسبب إننا اثرنا فيه ..

يمكن يكون بيدعلنا فى الغيب دايما .. او حتى بيتكلم عننا حلو فى غيابنا ..

او بيرد عننا سوء ..

دول بقى زمايلنا او طلابنا او حتى ناس منعرفهمش .. بس احنا فى حياتهم نعنى الكثير

( نقدر بس نقولهم .. ربنا يجعل كل ذرة حب لينا .. أضعاف حب منه ليكم

النوع الخامس ^^

نوع بيكرهنا من غير حتى سبب .. بيحقد علينا .. او فى سره بيتمنى لنا الشر ...

بيتكلم علينا باسوء كلام .. بدون اى سبب .. مستنى لنا على غلطة ..

( النوع ده نقولهم .. شكرااا على الحسنات اللى بناخدها من كلامكم علينا ..

وشكرا اننا اخدين اهتمام وجزء من تفكيركم ^^ ده يعنى احنا مأثرين فيكم

وشكرا انكم بتحسسوا بنعمة العافية من الابتلاء اللى عندكم

وفى الاخر ربنا يهديكم :) ^_^

كل دول انواع اشخاص فى حياتنا كلنا .. دور على كل نوع .. وشوف يستحق منك ايه .. واعمله ^^ عشان كلهم يستاهلوا الخير مننا حتى المسىء

وشوف انت مين فى حياة كل حد فيهم :)

لمدربة التنمية البشرية

أمل محمد ذكى

وَأَمَّا بِنِعْمَةِ رَبِّكَ فَحَدِّثْ ^^

مقالة النهارده دينية يارب تعجبكم بس هى خطأ فى نفسير آية اغلب الناس مننا بيقع فيه ..

او بيفهمه بمعنى آخر غير معناه الحقيقى

آية ( وَأَمَّا بِنِعْمَةِ رَبِّكَ فَحَدِّثْ ) - سورة الضحى

آية كثير جداا استوقفت عندها .. بعد ما كنت بسمع معناها من وجه نظر حد من اقرب الناس ليا فى عائلتى .. وكمان من ناس اعرفهم سواء اصدقاء او طلاب ..

( إن الإنسان يحدث الناس بالنعم اللى هو فيها ع طول سواء فى شغله او صحته او اهله او اى حاجة تخصه )

الحقيقة التفسير ده خلانى عاوزة اعرف المعنى الحقيقى للآية ..

قلت لنفسى ازاى القرآن حيتعارض مع السنة اكيد مستحيل ..

سيدنا محمد عليه أفضل الصلاة والسلام قال :

واستعينوا على قضاء حوائجكم بالكتمان ..

يعنى اننا ندارى احيانا حاجات فى حياتنا عن الناس !!

ولما بدأت اقرأ واسأل شيوخ فى تفسير الآية

فهمت معناها الحقيقة .. وهو ان الانسان يحدث نفسه هو بنعم الله عليه

عشان دايما يوصل لمعنى شكر الله وحمده على طووووووووووول

سواء كانت النعمة دى نعمة صحة او راحة بال أو اهل حواليه أو نجاح فى العمل ..

والله عزوجل بيحب انه لما ينعم على عبده نعمة  يرى أثرها عليه سواء فى  ملابسه وفي أكله وفي شربه،

فلا يظهر في مظهر الفقراء والله قد أعطاه المال ووسع عليه، لا تكون ملابسه ولا مأكله كالفقراء بل يظهر نعم الله في مأكله ومشربه وملبسه. ولكن لا يفهم من هذا الزيادة التي فيها الغلو وفيها الإسراف والتبذير.

يارب يكون معنى الآية وصلت . وياريت تنقلوا التفسير ده وتفهموا للناس ..

عشان دى آية من الآيات اللى فى القرآن الكريم اغلبنا بيتلخبط في تفسيرهاا

جزاكم الله الجنة يارب

مدربة : أمل محمد ذكى ^^

حسد إيه .. حقد إيه .. ده كله بأمر الله ^^

فكرة النهارده من ضمن اكثر أفكار بقابلها فى حياتى الشخصية ...

الخوف من حسد الآخرين . الخوف من حقد الناس ومكائدهم

كل يوم او اثنين الأقى حد بيقولى خدى بالك من الحسد خايفين عليكى !!

واكيد مش انا بس اللى بتحط فى الموقف ده ناس كثير منكم كمان بيحصلهم ده ..

بحكم ان بعض الناس .. حتى لو فى حياتهم مشاكل بيبنوا العكس .. او بيغطوا  الحزن والمشاكل بالسعادة والتفاؤل والأمل ..

بس اللى لاحظته انه فى ناس فعلا عندها رعب من الحسد او فوبيا – خوف مبالغ فيه .. !!!!!!!!!!!!!!!

عشان كده حبيت اقول حاجة لينا كلنا .. هى فعلا بجد او حقيقة ..

أنا مؤمنة جداا بالحسد لإنه مذكور فى كتاب الله القرآن الكريم ..

بس كمان مؤمنة إن عمر الإنسان ما حد حيضره شىء إلا بأمر الله

{قُلْ لَنْ يُصِيبَنَا إِلَّا مَا كَتَبَ اللَّهُ لَنَا هُوَ مَوْلانَا وَعَلَى اللَّهِ فَلْيَتَوَكَّلِ الْمُؤْمِنُونَ

مؤمنة إن الناس لو كلها اجتمعت على انها تضرنا عمر ما حيصبنا إلا قدر الله

قال رسول الله صلى الله عليه وسلم

:

يا غلام إني أعلمك كلمات

:

احفظ اللَّه يحفظك، احفظ اللَّه تجده تجاهك،

إذا سألت فسأل اللَّه، وإذا استعنت فاستعَنْ باللَّه،

واعلم أن الأمة لو اجتمعت عَلَى أن ينفعوك بشيء لم ينفعوك إلا بشيء قد كتبه اللَّه

لك،

وإن اجتمعوا عَلَى أن يضروك بشيء لم يضروك إلا بشيء قد كتبه اللَّه عليك،

رفعت الأقلام وجفت الصحف

يعنى خلاص أمر الله نافذ مش امر الناس .!!!

عشان كده بقول لنفسى وليكم .. استودعوا الله كل حاجة فى حياتكم .. سعادتكم .. حبكم .. شغلكم .. اهلكم .. اصحابكم .. كل شىء حتى أنفاسكم

وافتكروا دايما اعظم قصص القرآن قصة سيدنا يعقوب وسيدنا يوسف

لما سيدنا يعقوب خاف على سيدنا يوسف من انه يخسره او اخواته يضروه

خسره فعلا وفقد بصره !!

قَالَ إِنِّي لَيَحْزُنُنِي أَنْ تَذْهَبُوا بِهِ وَأَخَافُ أَنْ يَأْكُلَهُ الذِّئْبُ وَأَنْتُمْ عَنْهُ غَافِلُونَ

ولما فوض امره لله .. واستودع سيدنا يوسف وحبه لى عند الله

سيدنا يوسف رجعله وربنا ردله بصره ..

فَلَمَّا أَن جَاءَ الْبَشِيرُ أَلْقَاهُ عَلَى وَجْهِهِ فَارْتَدَّ بَصِيرًا قَالَ أَلَمْ أَقُل لَّكُمْ إِنِّي أَعْلَمُ مِنَ اللَّهِ مَا لاَ تَعْلَمُونَ 

عشان كده ياريت كلنا فعلا نفوض امرنا لله ونستودعه كل حياتنا

ونطمـــــــــــــــــــن إن بس اللى ربنا عاوزه هو اللى حيكون

بحبكم ف الله

كتاباتى /

أمل محمد ذكى

زى ما فرحت فرح الناس ^^

عند كل خروجة مع أصحابك ^^

جمعوا من كل واحد 2 جنيه وحطوهم فى ظرف و سموه " صدقة الخروجة ..مثلاً ،،،
و كل ما تجمعوا مبلغ بسيط روحوا اتبرعوا بيه
أو حتى شوفوا اى واحد غلبان اتبرعوا بالفلوس دى وانتوا مروحين ..
ربنا رزقك وبسطك فى الخروجه ......... فـ ابسط غيرك ♥

هو ده الحب من وجهة نظرى ^^

هو ده الحب !! ^^


حد ياخدك من الناس كده ويغنيك عنهم
ولو معاك العالم وهو مش معاك تحس انك لوحدك ♥


تشوفه تبتسم من غير اى سبب ..

تسمع صوته تطمن حتى لو بيقول اى كلام ف اى كلام ^^

تحب اى حاجة هو بيقوالها حتى ولو كان الى بيتكلم علية انت مبتحبهوش


حد يقولك كلمة فى عز وجعك تحس بالراحة وتنسى الألم :)


حد يفهمك ويحس بيك من غير ما تقوله ولا كلمة ^^


حد تسامحه على اخطاءه من غير حسابات ..


حد تلاقى نفسك معاه طفل متلغبط مش عارف تقول اية ومتقولش اية حتى لو كنت مع الناس كلك رزانة وقوة ووقار ..


حد يخطفك بإرادتك ومن غير إرادتك .. ويأخد قلبك عنده وينسيك الناس ^^



الحب نعمة كبيرة اوى .. ♥

مما كتبت ^^

الله على الرضا ♥ بقدر الله ^^

بيجلب للقلب السعادة وللروح الاطمئنان وللبال الراحة ♥

ديمه علينا جميعا يارب :)

______________________________________

ارضى بقدر الله من غير ضجر .. ربنا حيرضيك باكثر مما تتوقع ^^

By : AmOla Zaki

الحدود بين الناس ف العلاقات الاجتماعية

الحدود بين الناس ف العلاقات  الاجتماعية
^^
فكرة موضوع النهارده حاجة لفتت نظرى جداا واعتقد لافتة نظر ناس كثير مننا
وبقت زيادة الايام دى بسبب صفحات التواصل الاجتماعى زى الفيس بوك وغيرها !!

حاجة كده بنلاقيها ع طول وأحنا بنتعامل مع الناس ..

تلاقى ناس لأول مرة .. داخلة تكلمك وفجاة تعادوا حدودهم من كونهم شخص مجهول بالنسبالك لكونه صديق او قريب او عشرة سنين !!

ونلاقى كمان كلمات سواء للبنت او للولد .. يا قمر يا جميل .. وغيرها من الاساليب الكثير اللى مش المفروض علينا نستخدمها غير مع ناس نعرفهم عشان يبقى بنتعامل مع كل شخص فى اطار حدوده .!!

او حد يدخل يكلمك واول سؤال يسأله انت مرتبط !!

عن نفسى مش بلاقى رد غير .. ليه خير جيب عريس او جايبة عريس !!

عارفين الحدود فى الكلام بالضبط زى الحدود فى المسافات وانت واقف قدام حد بتكلمه

لو راجل لاول مرة بتعرفه او بنت لازم فرق المسافة بينكم بعيد ..

لو صديق المسافة بتقل ..

ولو حبيب او زوج او اهل المسافة بتكون اقرب للمسافة الحميمية بينهم ..

وزى المسافة اللى بتكون بواحدة قياس المساحات .. لازم يبقى كلنا عندنا مسافة فى الحدود فى الكلام مع الآخرين

اوصيكم وبنفسى بالتواصل مع الناس فى اطار حدود علاقتنا بهم

By : Instructor Aml Zaki