استقبال العام الدراسى الجديد

استقبال العام الدراسى الجديد

بقلم أمل زكى مدرب ومحاضر فى علوم التنمية البشرية ومعالج سلوكى

عام دراسى سعيد على جميع الطلاب ..

فى بداية العام الدراسى الجديد ينبغى أن يلتفت كل طالب وطالبة لعدة أشياء هامة ليجعل من عامه الجديد

عام تفوق وتميز ونجاح

فى بداية عامك الدراسى

.. إلتفت للآتى ..

واسأل نفسك .. لماذا أذاكر ؟

ينبغى أن يكون لك هدفا تسعى إليه .. هدف يجعلك فخرا لنفسك وأهلك .. يجعلك معمر فى الأرض وصاحب بصمة وتأثير .

اختار موقع مناسب سواء فى مدرستك أو جامعتك .. واحضر منتظم وباكر ..

احسن اختيار صديقك المجاور لك فى المدرسة أو الجامعة .. فالمرء على دين خليله

اقرأ دروسك يوميا .. منعا لتراكمها عليك ..

لا تكثر من أستخدام كلمة سوف .. فستعطلك عن نجاحك . وهدفك

كن منتبه وقت المحاضرة أو الحصة الدراسية

اكتب دوما العبارات والأسئلة الهامة التى يؤكد عليها مُعلمك

اجعل وقت محدد لمراجعة موادك الدراسية .. نهاية الاسبوع ونهاية الشهر .. فالمراجعة تساعدك فى التحصيل بتفوق ..

واخيرا إحتسب الاجر عند الله ..  من خرج فى طلب العلم فهو فى سبيل الله حتى يرجع :)

بلوك شخصى .. مش بلوك إليكترونى

بلوك شخصى .. مش بلوك إليكترونى ~
بقلم - أمل زكى ♥


خاصية الحذر الإلِكترونى " Block"

بنستخدمها لما يكون فى إنسان مش كويس متابعك فحابب ما يوصلكش ..
لما يكون حد فضولى عاوز بس يتدخل فى حياتك وشؤونك

أو لما تحب تقطع علاقتك بناس معينة للأبد ..

كذلك فى حياتك .. لازم يبقى عندك بلوك " تمنع أى حاجة سلبية إنها توصل لعقلك ولقلبك وتدمرك ..


لما تحس بيأس قرب يوصلك لازم تعمل له بلوك

لما تفشل مرة يبقى تعمل للفشل بلوك .. وتستعد للنجاح والتميز

لما حد يضايقك ويستسمحك على غلط فى حقك .. اعمل للغضب بلوك وسامح بس إحذر من الشخص بعد كده :)

لما تلاقى فى ناس بتحِبطك وتقلل من حماَسك وطُموحك أعملهم من حياتك بلوك

لما يبقى عندك صحبة سيئة بتبعدك عن ربك ودينك والحياة الصح .. يبقى حلها انك تبعد عنهم وتعملهم من عالمك بلوك ..

لما الشيطان يوقعك فى ذنوب اعمله بلوك واستغفر ربك وتوب .. ده خير الخاطئين التوابون ♥


كل انسان فى حياته حاجات سلبية أو ناس مُحبطة ..
شوف إيه فى حياتك مضيعك .. واعمله بلوك .. واستعد وقتها لتميزك وتأثيرك فى الحياة :)

♥

هى فقط نوايا ♥

فضل وكرم اوووووووى من ربنا :) إنه يديك حاجة تخيلت إنها تحصل فى يوم ليك
واحسنت الظن بـ الله

فـ ربنا يكافئك على حسن ظنك به .. ويقولك هى لك ♥

حقيقى اللى بيستودع ربنا أمور حياته وبيبقى واثق وعنده يقين ف الله
ربنا عمره ما يخيب ظنه أبداااااااااااا

هى فقط نوايا ♥

فالحمد لله :)

لــ أمل زكى

مشاعر يغلفُها الخوف

مشاعر يغلفُها الخوف
بــ قلم أمل زكى


بعض الناس تشتكى من سوء ظن البعض فيها ..

ولكن هناك سبب من ضمن أسباب الخوف وتوقع السىء

وهو " الشخص ذاته "

من يكذب عليك مرة وآخرى وأكثر

يفتت جدار الثقة بينك وبينه
فيجعل فى كل موقف آتى بعدها تتوقع لعله يكذب كما فعل سابقا

فيكون هنا سوء ظنه من وجهة نظرك
ما هو إلا حذر وخوف ع مشاعره من وجهة نظره


والشخص الذى يخون مرة
ويسامحه الآخرون لا يمنعهم ذلك من الخوف والشك
بعد هذه المرة ...

من باب إصانه مشاعرهم وقلوبهم



إرفقوا قليلا بمن يسىء الظن مع بعض الناس

فالسبب العميق يرجع للشخص الذى أفقدك بأفعاله جزءا ليس هينا
من مقدار ثقتك فيه ...

بل عززوا بمواقفكم رباط الثقة والأمان والإطمئنان من جديد ..


فالمسىء كان محسناً لولا مواقفكم
وكان محبا ومخلصا ووفيا لولا خذلانكم !!

محطات الحياة .!!

محطات الحياة .!!
بقلم أمل زكى ...

فى حياتك حتعدى بمحطات كثيــــــــــــر كلها ممكن تنزل تستريح فيها شوية من تعب الطريق

وبعدها تبدأ تكمل طريقك من تانـــــــــــــــــــــــــى .. لحد ما توصل لمحطة وصولك للمكان للى انت عاوزه .. ورايحله بإرادتك . وتعبك عشانه .. ومجهودك ... اتحملت عشانه صعوبات وانتظرته كثيـــر لحد ما وصلتله .. كان ممكن تتعب وتوقع وما تكملش

لو كانت رغبته للمكان ده مش قوية اوووووووووووووووووى .. أو لو كنت ضعفت فى يوم ..
أو جت عليك لحظة فقدت فيها الأمـــــل ..


كلنا بنمر بمحطات فى حياتنا لحد ما نوصل للمكان المنشود مننا :)

محطات فى علاقتنا بربنا ونفضل فى كل محطة نوقف شوية ونمشى شوية لحد ما ربنا ينعم علينا بالإجتهاد فى عبادته فنوصل لمنزلة النفس المطمئنة .. اللى عايشة بالله ولله <3

محطات تانية فى شغلنا .. نمر بمحطة دراسية لمحطة وراها ونتعب ونجتهد وننجح ونفشل ونوقع ونقوم لحد ما نوصل لقيمة كبيرة فى الحياة بعمل نافع ومفيد لنفسنا ولأهلنا وللناس :)


وفــى محطات ثالثة فى الحب .. نمشى شوية ونقابل حد نتخيل ان ده الشخص المناسب وبعدها نكمل فى الطريق ونلاقى انه ماكنش زى ما كنا شيفينوا فنكمل بقطر الحياة المحطات وننزل نوقف فى كل محطة شوية لحد ما نركب ونتنظر عشان نوصل للحبيب المنتظر اللى من يوم ما تولدنا بندور عليه ونفسنا نلاقيه ويبقى هو الشخص الوحيد اللى من الدنيا اللى كان عندك رغبة قـــــــــــــوية جداا انك تكمل معاه عمرك :) وعشان كده وصلتله


ما تفكرش كثير انت فى انهى محطة .. الأهم إنك تعرف إنت عاوز توصل لإيه عشان تنزل فى الوقت المناسب والمكان المنشود

لإنك لو معرفتش .. حتضيع منك فرص كثيــــــــر وحد غيرك حيوصل  هو قبلك لـــ محطتك

وكمان ما تحرمش نفسك من السعادة اللى حتحسها لما توصل للحاجة اللى بتحبها بتعبك :) وقتها بس حتنسى كل لحظة تعبت فيها عشانها

ارتقــــــــــوا بالمفاهيم الدينية وكونوا واعيــن بها رحمكم الله :)

بقالى فترة ملاحظة تعقيبات على امور كثيرة بطريقة غريبة جداا !!

مش عندى ليها معنى إلا جهل وقلة وعى بالدين ومفاهيمه اللى ربنا وضعها لنا ..


* بعض الناس جعلت نفسها حاكم على الناس التانية مع إن ربنا قال فى كتابه العزيز

 إِنِ الْحُكْمُ إِلَّا لِلَّهِ

وتخيلت إنها أحسن من غيرها بسبب عبادة ظاهرية تقع فى مكان العلاقة بين العبد وربه فقط وليس البشر

وتناسوا العلاقة بين الناس وبعضها التى تعتمد على الاخلاق والمعاملة الإسلامية قبل المظهر والملبس والعبادات الظاهرية


اللى فاهم إن الإسلام " صلاة وصيام وحجاب بس " يبقى جاهل بدينه ومحتاج يفهم الدين كاملاً

واللى فاهم إن الإسلام تعامل بخلق بس من غير حقوق الله الصلاة والصيام والفروض " يبقى ناقصه خطوات لربنا مهمة اوى " وندعيله بالهداية ..

الإسلام الإثنين مع بعض عبادة ومعاملة .. بس مش معنى كده إننا نحكم على الناس باالمظهر


إنما الأعمال بالخواتيم

قال صلى الله عليه وسلم : إن العبد ليعمل عمل أهل النار وإنه من أهل الجنة، ويعمل عمل أهل الجنة وإنه من أهل النار  وفي رواية للإمام أحمد في المسند : وإنما الأعمال بالخواتيم.

لعل العاصى يتوب قبل موته ويدخل بتوبته الفردوس الأعلى

ولعل متدين يموت على معصية يدخل بها الدرك الأسفل من النار


وأصدق مثال فى القرآن الكريم قصة الراهب اللى سجد للشيطان فى خاتمة حياته مع إنه كان راهب وعابد وزاهد فى الدنيا ....

"كَمَثَلِ الشَّيْطَانِ إِذْ قَالَ لِلْإِنْسَانِ اكْفُرْ فَلَمَّا كَفَرَ قَالَ إِنِّي بَرِيءٌ مِنْكَ إِنِّي أَخَافُ اللَّهَ رَبَّ الْعَالَمِينَ * فَكَانَ عَاقِبَتَهُمَا أَنَّهُمَا فِي النَّارِ خَالِدَيْنِ فِيهَا وَذَلِكَ جَزَاءُ الظَّالِمِينَ [الحشر:16-17] "


ارتقـــــــــــــــــــــــوا بالمفاهيم الدينية وكونوا واعيــن بها رحمكم الله :)

لا تكونوا سبب فى بعد الناس عن طريق الله بأسلوب مقزز للقلب والروح
منفر لا مُقرب لله :)

هكذا علمنا ديننا الحنيف ~
<3
فَبِمَا رَحْمَةٍ مِنَ اللَّهِ لِنْتَ لَهُمْ وَلَوْ كُنْتَ فَظًّا غَلِيظَ الْقَلْبِ لانْفَضُّوا مِنْ حَوْلِكَ فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ فِي الأَمْرِ فَإِذَا عَزَمْتَ فَتَوَكَّلْ عَلَى اللَّهِ إِنَّ اللَّهَ يُحِبُّ الْمُتَوَكِّلِينَ

لـــ أمل زكى

 <3

الأم

الأم ♥ حنان مالوووووش حدود ...

تبقى مبسوط تبقى طايرة عشانك ..

تنكسر وتزعل تبقى زعلانة ليك أكثر منك ..

تبكى تلاقى دموعها سابقة دموعك وأول اللى يطبطب عليك ...

وحتى لما تزعلها فى يوم ... من قلبها بتدعيلك ♥

لــ أمل زكى ~